Балканот се подготвува: Издадена вонредна состојба и црвен метеоаларм, доаѓа студен бран со ветер до 150 км/ч

 

Црвен метеоаларм за денеска и утре е прогласен за Кварнер и Велебитскиот канал во Хрватска, пред се поради силниот североисточен ветар, чии удари ќе достигнат до 150 километри на час.

- Времето е многу опасно и подразбира големо ниво на опасност за здравјето, па дури и по ќивотот, посебно за крајбрежното население, се наведува во предупредувањето.

Присутен е и значителен ризик од штета на крајбрежната инфраструктура.

За подрачјето на Лика, Горски Котор и централна Хрватска за утре е издаден портокалов метеоаларм поради големите количества снег кои ќе паднат на тоа подрачје, каде се очекува 10 до 40 сантимери нов снег.

Невреме со снег, кое предизвикува проблеми во сообраќајот има и во Босна и Херцеговина, а во некои општини во Република Српска е прогласена вонредна ситуација.

- Во општината Крупа на Уна висината на снежната прекривка изнесува меѓу 60 и 80 сантиметри, но ситуацијата е под контрола. Републичката управа за цивилна заштита на РС ја следи ситуацијата и презема активности од својата надлежност, наведуваат медиумите во БиХ. 

Во Македонија позначително заладување се очекува за време на викендот, а до утре претпладне ќе има врнежи од дожд кои ќе бидат со слаб до умерен интензитет и позастапени во западните делови каде се очекува да наврнат над 25 л/м2.

 

 

 

21.02.2018 - 21:49

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа