Инстаграм воведува нова опција која многу ќе ви се допадне

За да започнете видео разговор, ќе биде доволно да ја одберете иконата со нова камера која ќе се наоѓа во опцијата за директни пораки.

За да креирате групен видео повик ќе биде потребно да ја одберете опцијата за директни пораки, а потоа и знакот „+“, кој служи за додавање на лицата со кои сакате да разговарате.

Можете да разговарате со една личност или со помала група на луѓе, а ако сакате да го пребарувате Инстаграм и истовремено да разговарате со некого, ќе имате опција да го минимизирате прозорецот на кој се одвива видео повикот и без никакви проблеми да продолжите да разговарате.

Воведувањето на овие опции Инстаграм го најави пред неколку месеци, но тогаш не беше прецизирано колку лица ќе можат да учествуваат во видео повикот.

Овие ажурирања имаат за цел Инстаграм да го претворат и во мрежа која ќе овозможи размена на пораки, а не само објавување на фотографии, како што беше првичната замисла.

Инстаграм најави дека наведените промени ќе им бидат достапни на сите корисници во наредните седмици.

 

 

 

07.05.2018 - 21:36

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа