Османи: Реформската агенда продолжува независно од политичките предизвици

Заменик Претседателот на Владата задолжен за европски прашања, Бујар Османи, oствари средба со делегацијата на Министерството за правда и безбедност на Кралството Холандија, претставено од Арјен Таселар, шеф на Одделението за меѓународни односи и проекти и Ханс Јонкхер координатор за меѓународни односи на Западен Балкан и пристап кон ЕУ. На средбата се разговараше за можностите за поддршка на реформскиот процес во Република Македонија, особено во обезбедување експертиза за клучните области како што се правосудство, фундаментални права, владеење на правото, безбедноста итн.

„Еден од нашите највисоки предизвици претставува одржувањето на реформскиот моментум,  согласно насоките од јунските самити на ЕУ, особено во делот на реформа на правосудството и обезбедување на принципот на владеење на правото“ – истакна Османи, посочувајќи на успешно започнатиот процес на набљудувачки скрининг токму со поглавјето 23 – правосудство и фундаментални права.

„Холандија претставува еден од најцврстите поддржувачи на Република Македонија и нашите интегративни процеси, но и земја со која традиционално имаме исклучително успешна соработка. Оваа поддршка секако ја очекувам и сега кога земјата се соочува со предизвикот да го затвори прашањето за евроатланската перспектива и да ги започне преговорите за членство во ЕУ“ – изјави Османи, изразувајќи благодарност за понудената соработка и експертиза од страна на Холандија, во процесот на адресирање на неопходните реформи.

 

На средбата Османи реферираше и за актуелните политички состојби, изразувајќи уверување до соговорниците дека актуелните политички предизвици нема да ја загрозат реформската агенда на Владата, а предвидените реформи ќе бидат навремено имплементирани.

 

 

 

16.10.2018 - 10:07

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега