Потоп попладнево, на овие места наврна најмногу - утре уште „полошо"

 

Попладнево променливо облачно и нестабилно време со пороен дожд и грмежи имаше на повеќе места. Најмногу дожд е регистриран на мерното место во Крива Паланка, каде за два часа наврнале 46 литри на метар квадратен. 

Како што соопшти УХМР, појака нестабилност е забележана и во Демирхисарско, Гостиварско, Тетовско, како и на североистокот од земјава. Во моментов се уште има локални врнежи од дожд, но грмежите се поретки.

Локално и во наредните часови можно е да наврнат пообилни врнежи за краток временски период.

Утре времето ќе биде променливо облачно и нестабилно, на повеќе места со пороен дожд и грмежи. Локално се очекуваат пообилни врнежи. Утринската темепратура ќе се движи од 11 до 17, а дневната макисмална ќе биде во интервалот од 18 до 25 степени.

Во Скопје ќе биде променливо облачно со повремен пороен дожд и појава на грмежи. Ќе дува слаб до умерен североисточен ветер. Температурата ќе биде во интервалот од 14 до 24 степени.

Од петок следува период на претежно стабилно и потопло време, а во попладневните часови ќе има услови само за ретка појава на краткотраен дожд и грмежи. 

 

 

 

23.05.2018 - 18:33

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега