Тројца обвинети за настаните во Собранието излегуваат од притвор

Поранешниот шеф на собраниското обезбедување, Горан Ѓошевски и екс началникот на МВР, Оливер Поповски, обвинети за крвавиот четврток во Собранието излегуваат од притвор со гаранција, објави телевизија „24“.

Кривичниот совет го прифатил предлогот на одбраната да се укине притворот со гаранција.

„Со правосилноста на решенијата и запишување на гаранцијата, мерката притвор ќе се укине, а заради обезбедување на присуство во текот на постапката им се определуваат и мерки за претпазливост“, соопштуваат од Судот.

Притворот му се укинува и на Захарие Симовски исто така обвинет за настаните во Собранието и му се определува куќен притвор.

 

 

 

20.04.2018 - 14:02

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа